‘కాంచన 3’కి సెన్సార్ పూర్తి

దెయ్యాల సినిమాలు తీయడంలో తనకంటూ ఒక మార్క్ సంపాదించుకున్న దర్శకుడు రాఘవ లారెన్స్. ఈయన దర్శకత్వంలో వచ్చిన ముని సినిమాకు సీక్వెల్ గా తెరకెక్కుతున్న తాజా చిత్రం ‘కాంచన 3’. రాఘవ లారెన్స్ ప్రధాన పాత్రలో నటిస్తూ, డైరెక్ట్ చేస్తున్న ఈ చిత్రం షూటింగ్ పూర్తి చేసుకుని విడుదలకు సిద్ధమవుతోంది. కాగా ఇటీవల ఈ చిత్రం సెన్సార్ కార్యక్రమాలు పూర్తి చేసుకుని యూ/ఏ సర్టిఫికేట్ పొందింది. రీసెంట్ గా రిలీజ్ అయిన చిత్రం ట్రైలర్ కు ప్రేక్షకుల నుంచి మంచి స్పందన లభించింది. లారెన్స్ సొంత బ్యానర్ రాఘవేంద్ర ప్రొడక్షన్స్ నిర్మిస్తున్న ఈ చిత్రంలో వేదిక , ఓవియా హీరోయిన్లుగా నటిస్తున్నారు. కాగా ఏప్రిల్ 19న తమిళంతో పాటు తెలుగులో కూడా ఈ చిత్రం రిలీజ్ కానుంది. ప్రముఖ నిర్మాత ఠాగూర్ మధు తెలుగులో ఈ చిత్రాన్ని విడుదల చేస్తున్నారు.