చిన్నికృష్ణ.. నీ జీవితం మొత్తం నాకు తెలుసు. బయటపెట్టమంటావా’

ప్రముఖ సినీ రచయిత చిన్ని కృష్ణ కొద్ది రోజుల క్రితం పవన్ కళ్యాణ్ పై సంచలన వ్యాఖ్యలు చేసిన సంగతి తెలిసిందే. ఆయన మెగా ఫ్యామిలీ గురించి మాట్లాడుతూ ‘ చిరంజీవికి ఇంద్ర లాంటి పెద్ద హిట్ సినిమా ఇచ్చినా… ఇంటికి పిలిచి భోజనం పెట్టలేదని.. ఇక పవన్ కళ్యాణ్ కు ఓటేస్తే కాపులకు ఒరిగేదేమీ లేదని’ వ్యాఖ్యానించారు. దీనితో చిత్ర పరిశ్రమలో ఆయనపై విమర్శలు వెల్లువెత్తాయి.

అయితే తాజాగా ప్రముఖ మాటల రచయిత ఆకుల శివ మాట్లాడుతూ ‘ చిన్నికృష్ణ.. నీ జీవితం మొత్తం నాకు తెలుసు. బయటపెట్టమంటావా’ అంటూ వార్నింగ్ ఇచ్చారు. మెగాస్టార్ చిరంజీవి, పవన్ కళ్యాణ్ లాంటి గొప్ప వ్యక్తులు నీలాంటి నిజాయితీ లేని వాళ్ళను దగ్గరకు రానివ్వరని.. వాళ్ళను అనే స్థాయి నీకు లేదని, నీ జీవితపు గ్రంధంలో ఉన్న చెత్త మొత్తం బయటపెట్టమంటావా అంటూ ఎదురుదాడికి దిగారు ఆకుల శివ.