సినీ ఇండస్ట్రీని భ్రష్టు పట్టించడానికి చంద్రబాబు కుట్ర: రోజా

తిరుపతి, ఏప్రిల్ 21: తెలుగు సినిమా ఇండస్ట్రీని భ్రష్టు పట్టించడానికి చంద్రబాబు కుట్ర పన్నారని వైఎస్సార్‌సీపీ ఎమ్మెల్యే ఆర్కే రోజా ఆరోపించారు. తన తల్లి మీద చేసిన వ్యాఖ్యలపై పవన్‌ కల్యాణ్‌ స్పందించడాన్ని ముఖ్యమంత్రి చంద్రబాబు తప్పుపట్టడం దారుణమని ఆమె అన్నారు. శనివారం చిత్తూరు జిల్లా పుత్తూరులో విలేకరుల సమావేశంలో మాట్లాడుతూ.. ఎల్లో మీడియాను అడ్డుపెట్టుకొని ఇండస్ట్రీని బద్నామ్‌ చేయిస్తున్నారని ధ్వజమెత్తారు. ఇన్ని రోజులు హోదా రాకుండా చేసి ఇప్పుడు చంద్రబాబు ​దొం‍గ దీక్ష చేశారని ఎద్దేవా చేశారు. బాబు దీక్ష సందర్భంగా మోదీపై బాలకృష్ణ చేసిన వ్యాఖ్యలు అభ్యంతరకరంగా ఉన్నాయని ఎమ్మెల్యే రోజా పేర్కొన్నారు.