ఇంట్లోనే క్యాష్ విత్‌డ్రా, అకౌంట్ ఓపెనింగ్ సేవలు

బ్యాంకింగ్ సేవలు పెరుగుతున్న టెక్నాలజీకి అనుగుణంగా కొత్త కొత్త సర్వీసులను అందుబాటులోకి తీసుకొస్తున్నారు. కొన్ని బ్యాంకులు ఇంటి వద్దకే వచ్చి బ్యాంకింగ్ సర్వీసులు ఆఫర్ చేస్తున్నాయి. క్యాష్ పికప్, ఇన్‌స్ట్రుమెంట్ పికప్, క్యా్ష్ డెలివరీ, డిమాడ్ డ్రాఫ్ట్ వంటి సేవలు అందిస్తున్నాయి. అయితే ఈ సేవలు కేలం సీనియర్ సిటిజన్స్‌కు మాత్రమే అందుబాటులో ఉన్నాయి. ఇండియన్ ఓవర్సీస్ బ్యాంక్ సీనియర్ సిటిజన్స్ కోసం డోర్ స్టెప్ బ్యాంకింగ్ సేవలు అందిస్తోంది. దీని కోసం ప్రత్యేకమైన బ్యాంకింగ్ కరస్పాండెంట్ ఉంటారు. ఈయనకు ఒక వ్యాన్ ఇస్తారు. ఇందులో మైక్రో ఏటీఎం ఉంటుంది. అకౌంట్ ఓపెనింగ్, సోషల్ సెక్యూరిటీ స్కీమ్స్‌లో ఎన్‌రోల్‌మెంట్, పాస్‌బుక్ ప్రింటింగ్ వంటి పలు రకాల సేవలు అందిస్తారు. ప్రభుత్వ రంగ దిగ్గజమైన స్టేట్ బ్యాంక్ ఆఫ్ ఇండియా (ఎస్‌బీఐ) కూడా డోర్ స్టెప్ ఫెసిలిటీలను అందిస్తోంది. క్యాష్ పికప్, క్యాష్ డెలివరీ, చెక్ పికప్, ఫామ్ 15 హెచ్ పికప్, డ్రాఫ్ట్ డెలివరీ వంటి పలు రకాల సేవలు ఆఫర్ చేస్తోంది. 70 ఏళ్లకు పైన వయసు ఉన్న వారికే ఈ సేవలు అందుబాటులో ఉన్నాయి. హోమ్ బ్రాంచ్‌కు 5 కిలోమీటర్లలోపు ఉన్న వారికే ఈ సేవలు వర్తిస్తాయి.యాక్సిస్ బ్యాంక్ కూడా క్యాష్ పికప్, డెలివరీ క్యాష్ వంటి డోర్ స్టెప్ సౌకర్యాలను అందిస్తోంది. కేవలం ఒక ఫోన్ కాల్ ద్వారా ఈ సేవలు పొందొచ్చు. వీటికి డెబిట్ కార్డు, డెబిట్ కార్డు పిన్ అవసరమౌతాయి. ఇక్కడ కూడా కస్టమర్ హోమ్ బ్రాంచ్‌కు 5 కిలోమీటర్లలోపు ఉండాలి.