ఎస్కలేటర్ బెల్టులో ఇరుకున్న చిన్నారి చేయి!

ఎస్కలేటర్ ఎక్కితే పెద్దవాళ్ళు సైతం భయపడుతూ ఉంటారు. ముఖ్యంగా చిన్నపిల్లలను మరీ జాగ్రత్తగా చూసుకోవాలి. లేదంటే ఎంత పెద్ద ప్రమాదమైనా జరగోచ్చు. తాజాగా ఇటువంటి సంఘటనే ఒకటి చైనాలో చోటుచేసుకుంది. చైనాలో ఓ బాలిక తల్లితో కలిసి ఎస్కలేటర్ ఎక్కింది. దానికి ఉండే బెల్ట్‌ను ఆమె చాలాసేపు పట్టుకుంది. దీంతో ఆ బెల్ట్ ఆమె చేయిని లోపలికి లాగేసింది. ఆమె చెయ్యి మొత్తం ఎస్కలేటర్ మెట్లపక్కన ఉండే హ్యాండ్‌రైల్‌‌ కిందకి వెళ్లిపోయింది. ప్రమాదం గుర్తించగానే అగ్నిమాక సిబ్బంది, స్థానిక రెస్క్యూ సిబ్బంది వచ్చి హ్యాండ్‌రైల్ కింద ఉండే ప్లాస్టిక్ భాగాన్ని తొలగించి చిన్నారి చేతిని బయటకు తీశారు. చెయ్యి నలిగిపోవడం వల్ల చిన్నారి బాధతో విలవిల్లాడింది. దీంతో ఓ వ్యక్తి ఆమెకు మొబైల్‌లో వీడియో చూపించి ఆ చిన్నారిని బాధను మరిపించే ప్రయత్నం చేయడం గమనార్హం. ఈ ప్రమాదం వల్ల ఆమె చెయ్యి బాగా వాచింది.