నేపాల్‌లో భీకర తుపాను విలయం

వేసవిలో వర్షం భీభత్సం సృష్టించింది. ఆదివారం రాత్రి హైదరాబాద్ లో కూడా ఉరుములతో కూడిన వర్షం పడిన సంగతి తెలిసిందే. అయితే హిమాలయ దేశం నేపాల్‌లో ఆదివారం సాయంత్రం భీకర తుపాను విలయం సృష్టించింది. దక్షిణ నేపాల్‌ను తాకిన ఈ భారీ తుపాను కారణంగా 25 మంది మరణించగా, 400 మంది గాయాలపాలయ్యారు. పెనుగాలులకు వర్షం కూడా తోడవడంతో అనేక గ్రామాలు చలితో వణికిపోయాయి.

ముఖ్యంగా, బరా, పర్సా జిల్లాలు తుపాను తాకిడికి గురైనట్టు అధికారులు గుర్తించారు. ఈ రెండు జిల్లాల్లో ఎక్కడ చూసినా విలయం తాలూకు ఆనవాళ్లే కనిపిస్తున్నాయి. తుపాను నష్టంపై నేపాల్ ప్రధాని కేపీ శర్మ ఒలి విచారం వ్యక్తం చేశారు.