మద్యం రంగంలోకి 'కోకాకోలా'

జపాన్: ”కోకాకోలా” కంపనీ మరో రంగంలోకి అడుగుపెట్టేందుకు సిద్దమవుతుంది. తాజాగా మద్యం వ్యాపారంపై దృష్టి సారించి మార్కెట్ లో వాటా దక్కించుకునేందుకు వీలుగా సరికొత్త డ్రింక్స్ ను మార్కెట్ లోకి విడుదల చేయాలని నిర్ణయించింది. ఇందుకు జపాన్ ను వేదికగా ఎంచుకుంది. ఈ ఏడాది అక్టోబర్ లో ఖలెమన్ ఫ్లేవర్ తో కూడిన ఆల్కహాలిక్ సాఫ్ట్ డ్రింక్గను జపాన్ మార్కెట్ లో విడుదల చేస్తామని కంపెనీ తెలిపింది. ఈ ఉత్పత్తిని జపాన్ లోని క్యూషూ నగరంలో 2018, మే నుంచి ప్రయోగాత్మకంగా పరిశీలించామని కోకాకోలా అధికార ప్రతినిధి స్కాట్ లిత్ తెలిపారు.తమ మద్యం ఉత్పత్తుల్లో ఆల్కహాలిక్ శాతం 3 నుంచి 7 శాతం వరకూ ఉంటుందని వెల్లడించారు. ఇతర సాఫ్ట్ డ్రింక్స్ తరహాలో ఓ చిన్న క్యాన్ లో మద్యం లభ్యమవుతుందని పేర్కొన్నారు. అయితే ఈ ఉత్పత్తులు మిగతా దేశాల మార్కెట్లకు చేరుకోవడానికి మరికొంత సమయం పడుడుతుందని స్కాట్ తెలిపారు.