డౌన్ పేమెంట్, ఈఎంఐ లేకుండానే కారు, బైక్ మీ సొంతం!

SMTV Desk 2019-06-13 16:05:42  cars and bikes are buy without emi and down payment

కార్ల తయారీ కంపనీలు ఓ స్పెషల్ ఆఫర్ ను అందుబాటులోకి తీసుకొస్తున్నారు. డౌన్ పేమెంట్ లేకుండానే ఈఎంఐ చెల్లించకుండానే కొత్త కారును ఇంటికి తీసుకువెళ్లే అవకాశాన్ని కల్పిస్తున్నారు. కార్ల తయారీ కంపెనీలు పర్సనల్ లీజ్ ప్రోగామ్స్‌ ఆఫర్ చేస్తున్నాయి. దీంతో కస్టమర్లు డౌన్ పేమెంట్, ఈఎంఐ వంటివి లేకుండానే కొత్త కారును ఇంటికి తీసుకెళ్లొచ్చు. దక్షిణ కొరియాకు చెందిన దిగ్గజ ఆటోమొబైల్ కంపెనీ హ్యుందాయ్ ఇలాంటి స్కీమ్‌నే ఆఫర్ చేస్తోంది. కంపెనీ పాపులర్ ఎస్‌యూవీ క్రెటాను లీజ్‌కు తీసుకోవచ్చు. దీనికి నెలకు రూ.17,642 చెల్లించాల్సి ఉంటుంది. ఐదేళ్ల వరకు కారును నడుపుకోవచ్చు. అదే మీరు కారు కొనాలంటే డౌన్ పేమెంట్ రూ.2.73 లక్షలు చెల్లించాలి. ఐదేళ్ల కాలానికి గానూ నెలకు రూ.18,901 ఈఎంఐ కట్టాలి. అలాగే స్కోడా ఆటో కూడా ఇలాంటి స్కీమ్‌ను అందిస్తోంది. టూవీలర్ విభాగంలో అథర్ ఎనర్జీ కంపెనీ ఎలక్ట్రిక్ స్కూటర్‌ను లీజ్‌కు ఇస్తుంది. ఇందుకోసం నెలకు రూ.2,500 చెల్లించాలి. కారు లీజ్‌కు తీసుకుంటే.. లీజ్ సమయంలో కారు మెయింటెనెన్స్‌ను కంపెనీయే చూసుకుంటుంది. అయితే లీజ్ గడువు ముగిసిన తర్వాత కారును కంపెనీకే అప్పగించాల్సి ఉంటుంది. మీరు ఒకవేళ లీజ్ పీరియడ్ కన్నా ముందే కారును అప్పగించినా కూడా కంపెనీకి కొంత మొత్తం చెల్లించాల్సి ఉంటుంది.