అతనితోనే తేల్చుకుంటా!

SMTV Desk 2019-06-05 16:15:55  rabada kohli

టీంఇండియా కాప్టెన్ విరాట్ కోహ్లి దక్షిణాఫ్రికా బౌలర్ కగిసో రబాడ మధ్య మాటల యుద్ధం చెలరేగాల ఉంది. నాలుగు రోజుల క్రితం ఓ ఇంటర్వ్యూలో మాట్లాడిన దక్షిణాఫ్రికా ఫాస్ట్ బౌలర్ రబాడ.. భారత కెప్టెన్ విరాట్ కోహ్లీకి పరిపక్వత లేదని కామెంట్ చేశాడు. ఐపీఎల్ 2019 సీజన్‌లో తాను విసిరిన బంతికి ఫోర్ బాదిన విరాట్ కోహ్లీ ఓ అసభ్యకరమైన పదం వాడాడని.. అదే మాట తిరిగి అతడిని అంటే వెంటనే కోపం తెచ్చుకున్నట్లు రబాడ వెల్లడించాడు. ఇతరుల్ని తిట్టడమే తప్ప.. తిట్లని స్వీకరించే పరిపక్వత అతనికి లేదని సఫారీ పేసర్ ఆ ఇంటర్వ్యూ‌లో చెప్పుకొచ్చాడు. అయితే తాజగా కోహ్లి మీడియాతో మాట్లాడుతుండగా రబాడ కామెంట్‌ గురించి ప్రస్తావన వచ్చింది. దీంతో.. విరాట్ కోహ్లీ అతను ఏమన్నాడో..? నాకు తెలీదు. ఎక్కడ చదవలేదు కూడా అని చెప్పగా.. మీడియా ప్రతినిధులు.. అతను మీకు పరిపక్వత లేదని వ్యాఖ్యానించినట్లు చెప్పారు. దీంతో.. కోహ్లీ సమాధానం చెప్పాడు. ‘రబాడ గురించి మాట్లాడటానికి ఈ మీడియా సమావేశాన్ని నేను వినియోగించుకోవాలని అనుకోవట్లేదు. ఒకవేళ అతను నా గురించి ఏమైనా వ్యాఖ్యానించి ఉంటే..? అతనితోనే తేల్చుకుంటా. రబాడ మంచి నైపుణ్యమున్న బౌలర్. ప్రత్యర్థిపై ఆధిపత్యం చెలాయించగల సామర్థ్యం అతనికి ఉంది. కాబట్టి.. మైదానంలో అతని ఎదుర్కొనే సమయంలో జాగురతతో ఉంటాం’ అని విరాట్ కోహ్లీ వెల్లడించాడు.