ఎయిర్‌టెల్ కస్టమర్లకు జీ5 సబ్‌స్క్రిప్షన్‌ ఫ్రీ

ఎయిర్‌టెల్ తమ కస్టమర్ల కోసం మరో సేవను అందిస్తోంది. తాజాగా తన సబ్‌స్క్రైబర్లకు ప్లాన్ ప్రయోజనాలతోపాటు అదనపు సేవలు అందిస్తోంది. జీ5 సబ్‌స్క్రిప్షన్‌ను ఉచితంగా ఆఫర్ చేస్తోంది. ఎయిర్‌టెల్ తన ఎయిర్‌టెల్ థ్యాంక్స్ అనే కస్టమర్ స్కీమ్ రూపంలో ఈ సేవలు అందిస్తోంది. ఇందులో భాగంగా ఎయిర్‌టెల్ ప్లాటినమ్ కస్టమర్లు అందరూ ఉచితంగానే జీ5 సబ్‌స్క్రిప్షన్‌ను పొందే అవకాశం ఉంది. సిల్వర్, గోల్డ్ టైర్ యూజర్లకు ఈ సౌకర్యం అందుబాటులో లేదు. జీ5 సబ్‌స్క్రిప్షన్‌తో ఎయిర్‌టెల్ కస్టమర్లు వీడియో ఆన్‌ డిమాండ్ సేవలు పొందొచ్చు. ఇందులో జీ5 ఒరిజినల్స్, సినిమాలు, టీవీ షోలు, మ్యూజిక్ వీడియోలు, లైఫ్‌స్టైల్ షోలు, కిడ్స్ షోలు వంటి వాటికి చూడొచ్చు. ఎయిర్‌టెల్ ప్లాటినం యూజర్లు మైఎయిర్‌టెల్ యాప్‌లోని ఎయిర్‌టెల్ థ్యాంక్స్ విభాగంలోకి వెళ్లి జీ5 యాప్‌ను డౌన్‌లోడ్ చేసుకొని ఈ సేవలు పొందొచ్చు. ఇకపోతే ఎయిర్‌టెల్ తన ఎయిర్‌టెల్ థ్యాంక్స్ స్కీమ్‌ను ఇటీవలే మళ్లీ లాంచ్ చేసింది.