జూన్ 19న లోక్ సభ స్పీకర్ ఎన్నిక

కేంద్రంలో కొత్తగా ప్రభుత్వం ఏర్పడిన క్రమంలో మరికొన్నిరోజుల్లో పార్లమెంటు సమావేశాలు నిర్వహించనున్నారు. దీనికి సంబంధించి షెడ్యూల్ ఖరారైంది. కేంద్రంలో రెండోసారి అధికారం చేపట్టిన ప్రధాని నరేంద్ర మోడీ నేతృత్వంలోని నూతన మంత్రిమండలి తొలిసారి సమావేశమైంది. ప్రధాని కార్యాలయంలో మోడీ అధ్యక్షతన జరిగిన ఈ భేటీలో మొత్తం 58 మంది సభ్యులు పాల్గొన్నారు. జూన్ 17 నుంచి జూలై 26 వరకు పార్లమెంటు సమావేశాలు నిర్వహించాలని నిర్ణయించారు. ఈ క్రమంలో జూన్ 19న లోక్ సభ స్పీకర్ ను ఎన్నుకోనున్నారు.