అల్ట్రాస్టైలిష్ లుక్ లో బజాజ్ నయా స్కూటర్...

ప్రముఖ వాహన తయారీ సంస్థ బజాజ్ తాజాగా సరికొత్త ఫోర్ వీలర్లను మార్కెట్‌లో లాంచ్ చేసి మళ్ళీ నూతన డిజైన్లతో స్కూటర్లను కస్టమర్ల ముందుకు తీసుకువచ్చేందుకు సిద్ధమౌతోంది. బజాజ్ కంపెనీ చాలా కాలం నుంచే అర్బన్ స్కూటర్‌పై పనిచేస్తున్న విషయం తెలిసిందే. దీని పేరు బజాజ్ అర్బనైట్. ఈ స్కూటర్ తాజాగా టెస్ట్ డ్రైవ్ సమయంలో కెమెరా కంటికి చిక్కింది. కంపెనీ దేశీ మార్కెట్‌తోపాటు విదేశీ మార్కెట్‌లోనూ ఈ కొత్త స్కూటర్లను అందుబాటులోకి తీసుకురానుంది. ఇది ఎలక్ట్రిక్ స్కూటర్ కావడం గమనార్హం. ఇందులో ట్విన్ స్లంటింగ్ టెయిల్ ల్యాంప్స్, వెడల్పైన సీటు, పిలియన్ గ్రాబ్ హ్యాండిల్, ఫోల్డబుల్ రియర్ ఫుట్‌రెస్ట్ వంటి ఫీచర్లు ఉన్నాయి. 2019 చివరికల్లా ఈ స్కూటర్ మార్కెట్‌లోకి వచ్చే అవకాశముంది. కర్వీ ఫ్రంట్ ప్రొఫైల్, స్టైలిష్ అలాయ్ వీల్స్, సింగిల్ సైడెడ్ ఫ్రంట్ సస్పెన్షన్ వంటి ప్రత్యేకతలు ఉండొచ్చనే అంచనాలున్నాయి. బజాజ్ ఎలక్ట్రిక్ స్కూటర్‌లో ఫుల్లీ డిజిటల్ ఇన్‌స్ట్రుమెంట్ కన్సోల్, బ్లూటూత్ కనెక్టివిటీ, నావిగేషన్ ఫీచర్స్ వంటి ప్రత్యేకతలు అవకాశముంది. ఈ స్కూటర్ హోండా యాక్టివా 6జీకి గట్టి పోటీ ఇవ్వొచ్చని ఆటోమొబైల్ నిపుణులు పేర్కొంటున్నారు. అలాగే ఈ స్కూటర్‌లో ఇ-సిమ్ ఎంబెడెడ్ ఇంటర్నెట్ టెక్నాలజీ ఫీచర్ కూడా ఉండొచ్చు. దీంతో బ్యాటరీ, రైడ్ వివరాలు, లొకేషన్ వంటి వివిధ అంశాలను సులభంగా తెలుసుకోవచ్చు. స్మార్ట్‌ఫోన్ యాప్ సాయంతో కూడా స్కూటర్ కండీషన్ ఎలా ఉందో చూడొచ్చు.