ట్విటర్ సీఈవో జీతం...ఏడాదికి రూ.97

SMTV Desk 2019-04-10 15:59:54  twitter ceo jack dorsey received an annual salary, twitter, jack dorsey

ప్రస్తుతం ఎటువంటి స్టార్టప్ కంపెనీ అయిన కొత్తగా ఉద్యోగంలో చేరేవారికి కనీసం రూ.10,000 నుంచి రూ.15,000 వేతనాలు చెల్లిస్తున్నారు. ఇక ప్రముఖ గూగుల్ ఆల్ఫాబెట్, ట్విటర్, ఫేస్‌బుక్ వంటి దిగ్గజ కంపెనీల్లో అయితే జీతాలు లక్షల్లో ఉంటుంది. కాని వీటి బాస్‌ల వేతనాలు మాత్రం అందరికంటే తక్కువగా ఉంటుందంట. ప్రముఖ సోషల్ మీడియా కంపెనీ ట్విటర్ సీఈవో జాక్ డోర్సీ 2018లో ఏడాదికి కేవలం రూ.97 మాత్రమే జీతం తీసుకున్నారు. కంపెనీయే యూఎస్ సెక్యూరిటీస్ అండ్ ఎక్స్చేంజ్ కమిషన్‌కు సోమవారం ఈ విషయాన్ని తెలియజేసింది. జాక్ డోర్సీ కంపెనీ నుంచి మరే ఇతర ప్రయోజనాలు, పరిహారాలను పొందలేదు. 2015, 2016, 2017లో కూడా ఇలాగే చేశారు. అంటే 2015 నుంచి డోర్సీ దాదాపు రూ.100 లోపు జీతాన్నే తీసుకుంటూ వస్తున్నారు. జాక్ డోర్సీ కేవలం ట్విటర్ సీఈవో మాత్రమే కాదు. స్వ్కేర్ అనే మొబైల్ పేమెంట్స్ కంపెనీకి కూడా సీఈవోగా పనిచేస్తున్నారు. ఫేస్‌బుక్ సీఈవో మార్క్ జూకర్‌బర్గ్ ఎన్నో ఏళ్లుగా కేవలం ఒక డాలర్ (రూ. 69) జీతాన్నే తీసుకుంటూ వస్తున్నారు. గూగుల్ పేరెంట్ కంపెనీ ఆల్ఫా‌బెట్ సీఈవో ల్యారీ పేజ్ జీతం కూడా ఏడాదికి ఒక డాలర్ (రూ. 69) మాత్రమే.