నారా లోకేష్ కు తృటిలో తప్పిన ప్రమాదం

ఆంధ్రప్రదేశ్ రాష్ట్ర మంత్రి, ముఖ్యమంత్రి చంద్రబాబు తనయుడు నారా లోకేశ్‌కు తృటిలో పెను ప్రమాదం తప్పింది. త్వరలో జరగబోయే ఏపీ అసెంబ్లీ ఎన్నికల్లో ఆయన మంగళగిరి నుంచి పోటీ చేస్తున్న సంగతి తెలిసిందే. మంగళగిరి నియోజకవర్గంలో ఆయన విస్తృత ప్రచారంతో దూసుకుపోతున్నారు.

ఈ క్రమంలో మంగళవారం రాత్రి నిడమర్రులో ప్రచారం చేసిన ఆయన ఓ హోటల్ వద్ద ప్రసంగిస్తున్న సమయంలో హోటల్‌కు సంబంధించిన బోర్డు ఒకటి అకస్మాత్తుగా కుప్పకూలింది. అయితే, అది లోకేశ్ పక్కనే కూలడంతో ఆయనకు తృటిలో ప్రమాదం తప్పింది. ఆ బోర్డు కార్యకర్తల మీద పడినప్పటికీ పెద్ద ప్రమాదం జరగకపోవడంతో అందరూ ఊపిరి పీల్చుకున్నారు. బోర్డు కూలిన సమయంలో లోకేశ్ పక్కనే గుంటూరు ఎంపీ అభ్యర్థి గల్లా జయదేవ్, పలువురు ముఖ్యనేతలు కూడా అక్కడే ఉన్నారు.