నిధి అగర్వాల్...నో డిమాండ్

హైదరాబాద్, జనవరి 30: ఈ మధ్యే టాలీవుడ్ లోకి అడుగుపెట్టి వరుసగా రెండు ఫ్లాప్ లను చవి చూసింది బెంగుళూరు బ్యూటి నిధి అగర్వాల్. అక్కినేని నాగ చైతన్యతో సవ్యసాచి , అక్కినేని అఖిల్ లో Mr మజ్ను సినిమాలతో తెలుగులోకి ప్రవేశించింది ఈ బ్యూటి. అయితే ఈ బ్యూటికి ఇప్పుడు మరో బంపర్ ఆఫర్ వచ్చింది. ఎనర్జిటిక్ రామ్ హీరోగా పూరి జగన్నాథ్ దర్శకత్వం వహిస్తున్న ఇస్మార్ట్ శంకర్ సినిమాలో ఈమెను హీరోయిన్ గా తీసుకున్నాడు. ఓ ఫ్లాప్ హీరోయిన్ ని తీసుకోవడం వెనుక పూరి ప్లాన్ ఏమై ఉంటుందా..? అని ఆరా తీయగా.. రెమ్యునరేషన్ పరంగా చూసుకుంటే మిగిలిన వారికంటే నిధి అగర్వాల్ చాలా చీప్ గానే వస్తుందట.

పూరి నిర్మాతగా మారి సినిమాలు చేస్తున్న దగ్గర నుండి కాస్ట్ విషయంలో కూడా జాగ్రత్తలు తీసుకుంటున్నాడు. అందుకే తక్కువ రేటుకి వచ్చే హీరోయిన్లనే ఎంపిక చేసుకుంటున్నాడు. ఈ క్రమంలో ఈసారి నిధి అగర్వాల్ ని తీసుకున్నట్లు తెలుస్తోంది. నిజానికి కొత్త హీరోయిన్ ని తీసుకోవాలని అనుకున్నప్పటికీ నిధి అగర్వాల్ తక్కువ రెమ్యునరేషన్ కి వస్తుండడంతో ఆమెనే ఫైనల్ చేసుకున్నట్లు తెలుస్తోంది. మరి ఈ సినిమాతోనైనా.. నిధి సక్సెస్ అందుకుంటుందేమో చూడాలి!