కల్యాణ్ రామ్ సినిమాకి రిలీజ్ డేట్ ఖరారు..

హైదరాబాద్, జనవరి 11: నందమూరి కల్యాణ్ రామ్ కి ఇటీవల కాలంలో సరైన హిట్ లేదు. దీంతో కళ్యాణ్ రామ్ ఈ సారి తప్పకుండా హిట్ కొట్టాలనే కసితో వున్నాడు. తాను ఆశిస్తోన్న హిట్ 118 సినిమాతో దొరుకుతుందనే నమ్మకంతో ఆయన వున్నాడు. కల్యాణ్ రామ్ హీరోగా దర్శకుడు గుహన్ 118 సినిమాను రూపొందిస్తున్నాడు. ఇప్పటికే ఈచిత్రం చాలావరకూ చిత్రీకరణను పూర్తిచేసుకుంది.



ఈ సినిమాలో నివేదా థామస్, షాలినీ పాండే కళ్యాణ్ రామ్ కి జోడిగా నటిస్తోన్నారు. ఇక ఈ సినిమాలో కల్యాణ్ రామ్ డిఫరెంట్ లుక్ తో కనిపించనున్నాడు. మహేశ్ కోనేరు నిర్మిస్తోన్న ఈ సినిమాను మార్చి 1వ తేదీన విడుదల చేయనున్నారు. కల్యాణ్ రామ్ ఆశిస్తున్నట్టుగా ఈ సినిమా అయినా ఆయనకి హిట్ తెచ్చిపెడుతుందేమో చూడాలి మరి.