గాంధీ ఆస్పత్రిలో తుపాకీ మిస్‌ఫైర్‌
SMTV Desk 2018-03-27 17:21:35 Hyderabad, gun miss fire, gandhi hospital
హైదరాబాద్‌, మార్చి 27: గాంధీ ఆస్పత్రిలో తుపాకీ మిస్‌ఫైర్‌ అయింది. ఈ ఘటనలో కానిస్టేబుల్‌కు గాయాలయ్యాయి. ఆస్పత్రి జైలు వార్డు వద్ద కానిస్టేబుల్‌ సాయినాథ్‌ తుపాకీ శుభ్రం చేస్తుండగా ఈ ప్రమాదం చోటుచేసుకుంది. ఛాతిలోకి బుల్లెట్‌ దూసుకుపోవడంతో కానిస్టేబుల్‌ను వెంటనే ఆస్పత్రిలోని ఎమర్జెన్సీ వార్డుకు తరలించారు. పోలీసు ఉన్నతాధికారులు ఆస్పత్రికి వచ్చి కానిస్టేబుల్‌ను పరామర్శించారు. చిలకలగూడు పోలీసులు ఈ ఘటనపై కేసు నమోదు చేసి దర్యాప్తు చేపట్టారు.
