ఇక్కడ డిపాజిట్ చేస్తే బ్యాంకుల కన్నా ఎక్కువ వడ్డీ

SMTV Desk 2019-12-13 11:41:27  

బ్యాంకులు డిపాజిట్లపై వరుసగా వడ్డీ రేట్లలో కోత విధిస్తున్నాయి. దీంతో బ్యాంకుల్లో డిపాజిట్ చేసేవారికి గతంతో పోలిస్తే ఇప్పుడు తక్కువ రాబడి వస్తుంది. మరి బ్యాంకుల కన్నా అధిక వడ్డీ పొందాలంటే ఎక్కడ ఇన్వెస్ట్ చేయాలి? ఎల్అండ్‌డీ ఫైనాన్స్ కంపెనీ ఎన్‌సీడీలను జారీ చేస్తోంది. ఇందులో డబ్బు డిపాజిట్ చేయొచ్చు. ఎల్అండ్‌టీ ఫైనాన్స్ హోల్డింగ్స్ అనుబంధ సంస్థనే ఎల్అండ్‌టీ ఫైనాన్స్. ఇది సెక్యూర్డ్ రీడిమబుల్ నాన్ కన్వర్టిబుల్ డిబెంచర్స్ (ఎన్‌‌సీడీ) ఇష్యూ చేయడానికి రెడీ అయ్యింది. డిసెంబర్ 16న మొదటి విడత ఎన్‌సీడీల జారీ ఉంటుంది. డిసెంబర్ 30న ఇది క్లోజ్ అవుతుంది. ఎస్‌సీడీలలో నాలుగు రకాలు ఉంటాయి. ఔత్సాహికులు కేటగిరి 1 (ఇన్‌స్టిట్యూషనల్ ఇన్వెస్టర్లు), కేటగిరి 2 (నాన్ ఇన్‌స్టిట్యూషనల్ ఇన్వెస్టర్లు), కేటగిరి 3 (సంపన్నులు), కేటగిరి 4 (రిటైల్ ఇండివీడువల్ ఇన్వెస్టర్లు) కింద ఎన్‌సీడీలలో ఇన్వెస్ట్ చేయవచ్చు. కనీసం రూ.10,000 ఇన్వెస్ట్ చేయాల్సి ఉంటుంది. 36 నెలలు, 60 నెలలు, 84 నెలల కాల పరిమితితో ఎన్‌సీడీలు అందుబాటులో ఉంటాయి. వడ్డీ మొత్తాన్ని వార్షికంగా లేదా నెలవారీగా లేదంటే మెచ్యూరిటీ సమయంలో చెల్లిస్తారు. ఎన్‌సీడీలపై కూపన్ రేటు 8.45 శాతం నుంచి 8.65 శాతం మధ్యలో ఉంది. క్రిసిల్ ఏఏఏ, కేర్ ఏఏఏ, ఇండియా రేటింగ్ సంస్థలు ఏఏఏ రేటింగ్ ఉంది. అంటే మీ డబ్బుకు రిస్క్ ఉండదని భావించొచ్చు. ఎల్అండ్‌టీ ఫైనాన్స్ ఎన్‌సీడీల్లో డబ్బు డిపాజిట్ చేసిన తర్వాత మీకు మళ్లీ డబ్బుతో అవసరం అయితే వాటిని స్టాక్ మార్కెట్‌లో విక్రయించొచ్చు. దేశీ దిగ్గజ బ్యాంక్ స్టేట్ బ్యాంక్ ఆఫ్ ఇండియా (ఎస్‌బీఐ) ఏడాది నుంచి 10 ఏళ్ల కాల పరిమితిలోని ఫిక్స్‌డ్ డిపాజిట్లపై గరిష్టంగా 6.25 శాతం వడ్డీ రేటు అందిస్తోంది. ఐసీఐసీఐ బ్యాంక్ ఎఫ్‌డీ రేటు ఇదే కాలానికి 6.2 శాతం నుంచి 6.4 శాతం మధ్యలో ఉంది. యాక్సిస్ బ్యాంక్ విషయానికి వస్తే.. 6.4 శాతం నుంచి 6.7 శాతం మధ్యలో వడ్డీ పొందొచ్చు. పోస్టాఫీస్‌లో ఎన్ఎస్‌సీ, కేవీపీ స్కీమ్స్‌పై 7.9 శాతం, 7.6 శాతం వడ్డీ రేటు లభిస్తోంది. ఇకపోతే రేటింగ్ ఏజెన్సీల రేటింగ్ ప్రాతిపదికనే ఇన్వెస్ట్ చేయడం వల్ల కొన్ని సమస్యలు కూడా ఉన్నాయి. రేటింగ్ ఏజెన్సీలు కంపెనీ రేటింగ్‌ను తగ్గించే అవకాశం కూడా ఉంటుంది. లాకిన్ పీరియడ్, రిస్క్ వంటి అంశాలను బేరీజు వేసుకొని తగిన నిర్ణయం తీసుకోవడం మంచిది. అలాగే ఎన్‌సీడీల్లో పొందిన వడ్డీపై ట్యాక్స్ కూడా పడుతుంది.