అప్పు కోసం భార్య శీలాన్ని తాకట్టు పెట్టిన భర్త!

ఉత్తర్‌ప్రదేశ్‌లో ఓ వ్యక్తి స్నేహితుడి వద్ద తీసుకున్న అప్పు తీర్చే మార్గం కనిపించక కట్టుకున్న భార్య శీలాన్నే అతడిని తాకట్టు పెట్టేందుకు ప్రయత్నించాడు. ఉత్తర్‌ప్రదేశ్‌లోని ఘజియాబాద్‌కు చెందిన శ్యామ్, భార్య రంజితతో కలిసి జీవిస్తున్నాడు. మద్యానికి బానిసైన శ్యామ్ తెలిసిన వారందరి వద్దా అప్పులు చేశాడు. అప్పుల వాళ్లు వెంట పడుతుండటంతో సాయం చేయాల్సిందిగా స్నేహితుడు కౌశల్‌ను వేడుకున్నాడు. శ్యామ్ భార్య రంజితపై ఎప్పటి నుంచో కన్నేసిన కౌశల్‌ ఇదే అదనుగా ఆమెను లొంగదీసుకోవాలనుకున్నాడు. ‘నీ భార్యను నా బెడ్‌రూమ్‌కి పంపిస్తే నీ అప్పులన్నీ తీర్చేస్తా’ అని శ్యామ్ ఎదుట కౌశల్ ప్రతిపాదన పెట్టాడు. అతడు ఓకే చెప్పడంతో శుక్రవారం కౌశల్‌ వారింటికి వెళ్లి రంజితపై అత్యాచారం చేయబోయాడు. స్నేహితుడి భార్యపై అఘాయిత్యానికి పాల్పడటం సరికాదని రంజిత చెప్పడంతో.. నీ భర్త నిన్ను నాకు అప్పగించాడు అని చెప్పాడు. దీంతో షాకైన రంజిత ఆ కామాంధుడి బారి నుంచి తప్పించుకుని నేరుగా పోలీస్‌స్టేషన్‌కు వెళ్లి ఫిర్యాదు చేసింది. దీంతో రంగంలోకి దిగిన పోలీసులు నిందితులు ఇద్దరినీ అరెస్ట్ చేసి రిమాండ్‌కు తరలించారు. ఈ ఘటనపై సమగ్ర దర్యాప్తు చేస్తున్నట్లు పోలీసులు తెలిపారు.