ఇంటర్నెట్ వినియోగంలో దిగజారిన భారత్‌ స్థానం

ఇంటర్నెట్ వినియోగంలో దూసుకుపోతున్నామని సంబరపడిపోతున్న భారతీయులకు ఇది నిజంగా షాకింగ్ న్యూస్. మొబైల్ ఇంటర్నెట్ వేగంలో భారత్ అట్టడుగున ఉండడం విశేషం. ఆగస్టు నెలకుగాను మొబైల్ ఇంటర్నెట్ వేగంపై మొత్తం 145 దేశాల్లో జరిగిన అధ్యయనంలో మనది 131 స్థానంగా తేలింది. ఈ మేరకు ఊక్లాకు చెందిన స్పీడ్‌ టెస్ట్ గ్లోబల్ ఇండెక్స్ వెల్లడించింది. ఈ జాబితాలో దక్షిణ కొరియా సగటున 111 ఎంబీపీఎస్ వేగంతో అగ్రస్థానంలో ఉంది. రెండో స్థానంలో ఆస్ట్రేలియా నిలిచింది. ఈ జాబితాలో అమెరికా టాప్-10లో చోటు దక్కించుకోలేకపోవడం విశేషం. భారత్ పేరు తొలి వంద స్థానాల్లోనూ కనిపించలేదు. సగటున 10.65 ఎంబీపీఎస్ వేగంతో 131 స్థానంలో నిలిచింది. భారత్ పొరుగు దేశాలైన శ్రీలంక, పాకిస్థాన్, నేపాల్‌లు ఇంటర్నెట్ వేగంలో మనకంటే మెరుగ్గా ఉండడం విశేషం.