కొత్త ఫీచర్స్ తో యాక్టివా 125 స్కూటర్‌

ప్రముఖ వాహన తయారీ సంస్థ హోండా మోటార్‌సైకిల్ తాజాగా హోండా యాక్టివా 125 స్కూటర్‌ను మార్కెట్‌లో లాంచ్ చేసింది. ఈ బైక్ లో స్టార్ట్ సిస్టమ్ కూడా కొత్తగానే ఉంది. సౌండ్ లేకుండానే ఇంజిన్ స్టార్ట్ అవుతుంది. కంపెనీ అలాగే ఇందులో ఫ్యూయెల్ ఇంజెక్షన్ వ్యవస్థను ఏర్పాటు చేసింది. బైక్ డిజైన్‌లో కూడా పలు మార్పులు గమనించొచ్చు. కొత్త 125 స్కూటర్‌లో ఎల్ఈడీ హెడ్‌లైట్స్, ఎల్ఈడీ టెయిల్ లైట్స్, ఆల్ డిజిటల్ ఇన్‌స్ట్రుమెంట్ కన్సోల్ వంటి ప్రత్యేకతలు ఉన్నాయి. సర్వీస్ ఇండికేటర్, రియల్‌టైమ్ ఫ్యూయెల్ ఎఫిసియేన్సీ, సైడ్ స్టాండ్ ఇండికేటర్ వంటి ప్రత్యేకతలున్నాయి. అలాగే ఎంత దూరం వెళ్లొచ్చు కూడా తెలియజేస్తుంది. ధర రెగ్యులర్ మోడల్‌తో పోలిస్తే రూ.3,000 నుంచి రూ.5,000 వరకు ఎక్కువగా ఉండొచ్చు. ప్రస్తుతం ఈ స్కూటర్ ధర రూ.60,000 నుంచి ప్రారంభమౌతోంది.