కన్నీళ్లు పెట్టుకున్న విద్యాబాలన్.....వీడియో వైరల్

SMTV Desk 2019-05-31 11:46:26  vidya balan

శరీరాకృతి కారణంగా సాధారణ మహిళలే కాదు, ప్రముఖ నటీమణులు కూడా వేధింపులకు గురవుతున్నారు. ఇలా అవమానాలను ఎదుర్కొన్న వారిలో విద్యాబాలన్ ఒకరు. అలా అవమానాలు సహిస్తూ వస్తున్నవారిలో ఆత్మస్థైర్యం నింపేందుకు ఆమె ప్రముఖ రేడియో స్టేషన్ బిగ్ ఎఫ్‌ఎంతో కలిసి ఓ కార్యక్రమాన్ని నిర్వహించబోతున్నారు.

ఈ కార్యక్రమం పేరే ‘ధున్‌ బదల్‌ కే దేఖో’. ఈ కార్యక్రమం ద్వారా యువతీయువకులు బాడీ షేమింగ్ కారణంగా తాము ఎదుర్కొన్న సమస్యలను వెల్లడించనున్నారు. ఈ కార్యక్రమం కోసం విద్యతో బిగ్ ఎఫ్ఎం ఓ ప్రమోషనల్ వీడియోను రూపొందించింది. ఈ వీడియోలో శరీరాకృతిని, రూపును చూసి వెక్కిరించొద్దని పాట పాడుతూ విద్య కన్నీళ్లు పెట్టుకోవడం అందరినీ కలచివేస్తోంది. ఈ వీడియో సామాజిక మాధ్యమాల్లో బాగా వైరల్ అవుతోంది.