క్రెడిట్ కార్డుతో ఇన్ని లాభాలా!

ప్రస్తుతం క్రెడిట్ కార్డ్ ఉపయోగం చాలా ఎక్కువైంది. ఉద్యోగంలో చేరిన దాదాపు ప్రతి ఒక్కరూ క్రెడిట్ కార్డులను ఉపయోగిస్తూనే ఉండొచ్చు. బ్యాంకులు, ఇతర ఆర్థిక సంస్థలు క్రెడిట్ కార్డులను జారీ చేస్తూ ఉంటాయి. క్రెడిట్ కార్డుపై కొన్ని రోజులపాటు వడ్డీ రహిత క్రెడిట్ సౌకర్యం పొందొచ్చు. క్రెడిట్ కార్డు బిల్లులను సరైన సమయంలో చెల్లింకపోతే పెనాల్టీ చెల్లించాల్సి వస్తుంది. వడ్డీ రహిత క్రెడిట్ ఫెసిలిటీతోపాటు క్రెడిట్ కార్డులపై క్యాష్‌బ్యాక్ ఆఫర్లు, పలు బ్రాండ్లపై ఫ్లాట్ డిస్కౌంట్స్, ఫ్రీ మూవీ టికెట్స్, ఎయిర్‌పోర్ట్ లాంజ్ యాక్సెస్, ఎయిర్‌పోర్ట్‌లో ఫ్రీ బ్యాగేజ్ వంటి వివిధ రకాల ప్రయోజనాలు కూడా పొందొచ్చు. ఇవే కాదు క్రెడిట్ కార్డులపై మరో 3 రకాల ప్రయోజనాలు కూడా పొందొచ్చు. అవి ఏంటివో చూద్దాం.. ✺ క్రెడిట్ కార్డులో అందుబాటులో ఉన్న లిమిట్‌పై తక్షణ రుణ సౌకర్యం పొందొచ్చు. క్రెడిట్ కార్డు జారీ చేసిన బ్యాంక్ కస్టమర్‌కు పేపర్‌లెస్ లోన్‌ను అందిస్తుంది. ఎస్‌బీఐ, ఐసీఐసీఐ బ్యాంక్, హెచ్‌డీఎఫ్‌సీ బ్యాంక్ వంటివి ఈ సదుపాయాన్ని కల్పిస్తున్నాయి. ✺ క్రెడిట్ కార్డు వినియోగించే వారు ఉచితంగానే క్రెడిట్ స్కోర్ పొందొచ్చు. దేశంలో నాలుగు క్రెడిట్ బ్యూరో సంస్థలు ఉన్నాయి. వీటి నుంచి క్రెడిట్ రిపోర్ట్‌ను ఉచితంగానే పొందొచ్చు. ✺ క్రెడిట్ కార్డు ఉపయోగించేవారు బ్యాలెన్స్ ట్రాన్స్‌ఫర్ ఆప్షన్ కూడా అందుబాటులో ఉంది. అన్ని క్రెడిట్ కార్డులపై ఈ ఫెసిలిటీ అందుబాటులో ఉండకపోవచ్చు. ఇక్కడ ఒక క్రెడిట్ కార్డుపై ఉన్న బ్యాలెన్స్‌ను మరో క్రెడిట్ కార్డుకు బదిలీ చేసుకోవచ్చు.