ఎస్‌బీఐ కస్టమర్లకు అందుబాటులోకి హాలీడే సేవింగ్స్ అకౌంట్...
ప్రభుత్వ రంగ దిగ్గజ బ్యాంకు ఎస్‌బీఐ (స్టేట్ బ్యాంక్ ఆఫ్ ఇండియా) తన కస్టమర్ల కోసం వివిధ రకాల సేవలందిస్తున్న సంగతి తెలిసిందే. వాటిలో హాలీడే సేవింగ్స్ అకౌంట్ సర్వీస్ ఒకటి. ఈ సర్వీసు తన కస్టమర్లు టూర్‌కు వెల్లాల్సినప్పుడు ఉపయోగపడుతుంది. ఈ మేరకు స్టేట్ బ్యాంక్ ఆఫ్ ఇండియా ఇందుకోసం ఫేమస్ టూరిజం అండ్ ట్రావెల్ కంపెనీ థామస్ కుక్‌తో భాగస్వామ్యం కుదుర్చుకుంది. ప్రత్యేకమైన సేవింగ్స్ అకౌంట్‌ను ఆవిష్కరించింది. టూర్‌కు వెళ్లాలని భావించేవారు ముందు నుంచే ప్రతి నెలా కొంత మొత్తాన్ని ఈ అకౌంట్‌లో డిపాజిట్ చేస్తూ రావాలి. ఈ డబ్బుతో థామస్ కుక్ వెకేషన్ ప్యాకేజ్‌ను ఎంచుకోవచ్చు. అయితే ఎస్‌బీఐ-థామస్ కుక్ సహకారంతో వెకేషన్‌‌కు వెళ్లేందుకు ఏం చేయాలో చూద్దాం.. ✺ థామస్ కుక్ వెబ్‌సైట్‌లోక వెళ్లండి. మీకు నచ్చిన ప్యాకేజ్‌ను ఎంచుకోండి.✺ మీరు ఎంచుకున్న ప్యాకేజ్ ధర 13 నెలలకు డివైడ్ అవుతుంది. తర్వాత మీరు ఆన్‌లైన్ ఎస్‌బీఐ పోర్టల్‌కు రీడైరెక్టెడ్ అవుతారు. ✺ ఇక్కడ మీరు ఇ-రికరింగ్ డిపాజిట్ అకౌంట్‌ను ఏర్పాటు చేసుకోవచ్చు. 12 నెలలపాటు ఇన్‌స్టాల్‌మెంట్ చెల్లించాల్సి ఉంటుంది. ✺ ఇ-రికరింగ్ డిపాజిట్లపై మీకు వడ్డీ కూడా వస్తుంది. ఈ వడ్డీ రేటు అనేది ఎస్‌బీఐ ఫిక్స్‌డ్ డిపాజిట్ల ప్రతిపదిదికన ఉంటుంది. ✺ 12 నెలల మెచ్యూరిటీ పీరియడ్ అయిపోయిన తర్వాత అకౌంట్‌లోని మొత్తం డబ్బు ఒకేసారి థామస్ కుక్ కంపెనీకి వెళ్లిపోతుంది. మీరు ఎంచుకున్న ట్రిప్‌కు వెళ్లిపోవచ్చు. ✺ థామస్‌కుక్ మీకు ఒక నెల ఇన్‌స్టాల్‌మెంట్‌ను ఉచితంగానే కట్టేస్తుంది. మీ ప్యాకేజ్ ధర ప్రారంభంలోనే 13 నెలలకు డివైడ్ అవుతుంది. ఇందులో మీరు 12 ఇన్‌స్టాల్‌మెంట్లే చెల్లిస్తారు. మిగతా ఒక్కటి థామస్‌కుక్ కట్టేస్తుంది.
