గ్లాస్ దొంగిలించిన కానిస్టేబుల్ పై బదిలీ వేటు

SMTV Desk 2019-05-07 16:13:09  police constable, cc camera, tamilnadu chali vendram

చట్టాన్ని కాపాడాల్సిన పోలీసులే దారి తప్పారు. మరీ దారుణంగా గ్లాస్ కోసం కక్కుర్తిపడ్డారు. రోడ్డు పక్కన ఓ చలివేంద్రంలో ఉన్న వెండి గ్లాస్ చోరీ చేశారు. డ్యామిట్ కథ అడ్డం తిరిగి.. గ్లాస్ దొంగతనం చేయడం సీసీ కెమెరాలో వీడియో రికార్డ్ కావడంతో దొరికిపోయారు. తమిళనాడులోని పుదుకొట్టై జిల్లాలో జరిగిన ఈ చోరీ వీడియో సోషల్ మీడియాలో చక్కర్లు కొడుతోంది.

ఎండకాలం కావడంతో మెరపనైకడు గ్రామానికి చెందిన యువత చలివేంద్రం ఏర్పాటు చేసింది. జనాలు నీళ్లు తాగేందుకు వెండి గ్లాసును పెట్టారు. సీన్ కట్ చేస్తే వెండి గ్లాస్ మాయంకాగా.. అనుమానంతో సీసీ ఫుటేజ్‌ను పరిశీలించి షాక్ తిన్నారు. కీరమంగళం పోలీస్ స్టేషన్‌ కానిస్టేబుల్ అయ్యప్పన్, హోంగార్డ్ వడివజగన్‌లు గ్లాస్ దొంగతనం చేసినట్లు గుర్తించారు. రాత్రి సమయంలో పెట్రోలింగ్ కోసం వచ్చిన ఈ ఇద్దరు గ్లాస్ చోరీ చేశారు.



కానిస్టేబుల్, హోంగార్డు గ్లాస్ దొంగతనం చేసిన వీడియో సోషల్ మీడియాలో వైరలవుతోంది. గ్లాస్ కోసం కక్కుర్తి పడి నిఘా నేత్రానికి దొరికిపోయారు. ఈ వీడియో ఉన్నతాధికారుల కంటపడటంతో.. ఘటనపై విచారణ జరిపి కానిస్టేబుల్‌ను బదిలీ చేశారు.