ఐసీఐసీఐలో సాలరీ అకౌంట్ తో హోమ్ లోన్
ముంభై: ప్రముఖ ప్రైవేట్ రంగ ఐసీఐసీఐ బ్యాంక్ తన కస్టమర్లకు సరికొత్త సేవలను అందుబాటులోకి తీసుకొచ్చింది. తాజాగా ఆన్‌లైన్‌లో తక్షణ గృహ రుణ సదుపాయాన్ని పొందే సేవలను స్టార్ట్ చేసింది. సాధారణంగా హోమ్ లోన్ పొందటం సులువైన విషయం కాదు. క్రెడిట్ స్కోర్, బ్యాంక్ అకౌంట్ బ్యాలెన్స్, నెల వేతనం, గత చెల్లింపులు, డాక్యుమెంట్లు ఇలా చాలా తతంగం ఉంటుంది. అయితే ఐసీఐసీఐ బ్యాంక్‌లో హోమ్ లోన్‌కు ఇదంతా అవసరం లేదు. ఐసీఐసీఐ బ్యాంక్ ఇంటర్నెట్ బ్యాంకింగ్ ద్వారా రుణాన్ని సులభంగా పొందొచ్చు. ఎలాంటి డాక్యుమెంట్లు లేకుండానే రుణం లభిస్తుంది. అయితే ఈ సదుపాయాలు పొందాలంటే కొన్ని షరతులు వర్తిస్తాయి. ఐసీఐసీఐ బ్యాంక్‌తో సాలరీ అకౌంట్ తప్పనిసరి.
హోమ్ లోన్ ప్రత్యేకతలు:
✺ లోన్ శాంక్షన్ లెటర్ వాలిడిటీ 6 నెలలు. ఈ కాలంలో మీరు రుణ మొత్తాన్ని ఎప్పుడైనా పొందొచ్చు.
✺ అకౌంట్‌లో క్రెడిట్ అయ్యే శాలరీ మొత్తం ప్రాతిపదికన మీ లోన్ అమౌంట్ నిర్ణయమౌతుంది. ఇంటర్నెట్ బ్యాంకింగ్ ద్వారా ఎంత మొత్తాన్ని పొందొచ్చొ తెలుసుకోవచ్చు. గరిష్టంగా రూ.కోటి వరకు లోన్ పొందొచ్చు.
✺ తీసుకున్న మొత్తాన్ని గరిష్టంగా 30 ఏళ్లలో చెల్లించాలి. మీ వయసు, ఇతర అంశాల ప్రాతిపదికన లోన్ టెన్యూర్ ఆధారపడి ఉంటుంది.
✺ ఆదాయం పొందే వారిని (మీ భాగస్వామి లేదా ఇతరులు) కో అప్లికెంట్‌గా చేరిస్తే ఎక్కువ మొత్తాన్ని రుణం రూపంలో పొందొచ్చు.
