స్మార్ట్ ఫోన్స్ తయారీ సంస్థ ఒప్పో సబ్ బ్రాండ్ రియల్మి పాపప్ సెల్ఫీ కెమెరా ఫోన్ ను మార్కెట్లోకి తీసుకురానుంది అని సమాచారం. ప్రస్తుతం మొబైల్ హ్యాండ్సెట్స్ తయారీ కంపెనీలన్నీ ఈ ఫీచర్తో స్మార్ట్ఫోన్స్ తీసుకువచ్చేందుకు రెడీ అవుతున్నాయి. వివో, ఒప్పొ కంపెనీలు ఇప్పటికే పాపప్ సెల్ఫీ కెమెరా ఫీచర్తో ఫోన్లను లాంచ్ చేశాయి. షావోమి కూడా పాపప్ సెల్ఫీ కెమెరాతో రెడ్మి ఫోన్ తీసుకువచ్చేందుకు సిద్ధమైంది. ఫోన్ టీజర్ కూడా విడుదల చేసింది. ఇక వన్ప్లస్ కూడా ఇదే ఫీచర్తో స్మార్ట్ఫోన్ను తీసుకువచ్చే అవకాశముంది. ఇప్పుడు వీటి జాబితాలో రియల్మి కూడా వచ్చి చేరింది. ఈ కంపెనీ కూడా సెల్ఫీ కెమెరాతో స్మార్ట్ఫోన్ తీసుకువచ్చేందుకు సిద్ధమైంది. చైనా పాపులర్ సామాజిక మాధ్యమం వీబోలో రియల్మి పాపప్ సెల్ఫీ ఫోన్ టీజర్ లీక్ అయ్యింది. ఈ ఫోన్ పేరు రియల్మి ఎక్స్ అయ్యిండొచ్చని మార్కెట్ వర్గాలు అంచనా వేస్తున్నాయి. అతిత్వరలో ఈ ఫోన్ చైనా మార్కెట్లో అందుబాటులోకి వచ్చే అవకాశముంది.