షావోమి నయా ఎలక్ట్రిక్ బైసైకిల్‌‌

ప్రముఖ ఎలక్ట్రానిక్స్ కంపెనీ షావోమి తాజాగా మార్కెట్లోకి కొత్త ఎలక్ట్రిక్ బైసైకిల్‌‌ను లాంచ్ చేసింది. హిమో బ్రాండ్ కింద దీన్ని ఆవిష్కరించి హిమో టీ1 అనే పేరుతో విడుదల చేశారు. ఇందులో 90ఎంఎం వెడల్పైన టైర్లు, వన్ బటన్ స్టార్ట్, మల్టీ కాంబినేషన్ స్విచ్, డిజిటల్ డిస్‌ప్లే వంటి ప్రత్యేకతలున్నాయి. హిమో టీ1 ధర దాదాపు రూ.30,700గా ఉంది. చైనా మార్కెట్‌లో వీటి విక్రయాలు జూన్ 4 నుంచి ప్రారంభమయ్యే అకాశముంది. షాంఘై క్సిమో ఎలక్ట్రిక్ టెక్నాలజీ కంపెనీ వీటివి విక్రయించనుంది. భారత్ సహా ఇతర మార్కెట్లలో ఈ ఇబైక్‌ను మార్కెట్‌లోకి తీసుకువస్తుందో లేదో ఇంకా తెలియదు. షావోమి హిమో టీ1లో లిథియమ్ అయాన్ బ్యాటరీ ఉంటుంది. దీని కెపాసిటీ 14,000 ఎంఏహెచ్. వోల్టేజ్ 48వీ. 14ఏహెచ్, 28ఏహెచ్ ఎనర్జీ ఆప్షన్స్ అందుబాటులో ఉన్నాయి. 14ఏహెచ్ ఆప్షన్‌తో ఎలక్ట్రిక్ బైసైకిల్ 60 కిలోమీటర్లు వెళ్తుంది. అదే 28 ఏహెచ్ ఆప్షన్‌తో అయితే 120 కిలోమీటర్ల వరకు ప్రయాణిస్తుంది. అలాగే కంపెనీ ఇందులో ఫ్రంట్ సస్పెన్షన్ ఫోర్క్, డ్యూయెల్ కోయిలోవర్ రియర్ సస్పెన్షన్, హైడ్రాలిక్ డిస్క్ ఫ్రంట్ బ్రేక్, రియర్ డ్రమ్ బ్రేక్ వంటి ఫీచర్లను కూడా అమర్చింది. ఇకపోతే హిమో టీ1 టాప్ స్పీడ్ ఎంతో తెలియదు. దీని బరువు 53 కేజీలు. రెడ్, గ్రే, వైట్ రంగుల్లో ఇది అందుబాటులో ఉండనుంది.