గూగుల్ తో అమెజాన్ ఒప్పందం .. ఎందుకంటే

SMTV Desk 2019-04-19 17:22:11  Google amazon, video streaming

ఆధునిక సాంకేతిక ప్రపంచంలో వీడియో స్ట్రీమింగ్​ యాప్​లను తమ ఫ్లాట్​ఫాంపై పరస్పరం పంచుకునేందుకు గూగుల్​, అమేజాన్​ సంస్థలు ఒప్పందం కుదుర్చుకున్నాయి. త్వరలోనే అమేజాన్​ ఫైర్​టీవీలో యూట్యూబ్​ను, క్రోమ్​కాస్ట్​లో అమేజాన్​ ప్రైమ్​ వీడియో యాప్​లు అందుబాటులోకి రానున్నాయి.

ప్రముఖ టెక్​ కంపెనీలు గూగుల్, అమేజాన్.. వీడియో స్ట్రీమింగ్​ ఒప్పందాన్ని కుదుర్చుకున్నాయి. ఈ ఒప్పందం వల్ల త్వరలో ఒక సంస్థకు చెందిన వీడియో స్ట్రీమింగ్ యాప్​లు మరో సంస్థ ప్లాట్​ఫాంలో వీక్షించే వీలుకలగనుంది. ఈ సంయుక్త సేవలను కొద్ది నెలల్లో అందుబాటులోకి తీసుకురానున్నట్లు ఇరు సంస్థలు ప్రకటించాయి. ఇప్పటి వరకు ఒక సంస్థ ప్లాట్​ఫాంను వినియోగించే వారికి మరో సంస్థ వీడియోలు చూసేందుకు వీలుండేది కాదు. తాజా ఒప్పందంతో ఆ సమస్య తీరనుంది.