ఉద్యోగులకు ఎస్‌బీఐ సాలరీ ప్యాకేజ్ అకౌంట్స్
న్యూఢిల్లీ: ఎస్‌బీఐ ప్రభుత్వ రంగ ఉద్యోగులకు సాలరీ ప్యాకేజ్ అకౌంట్ ఓపెనింగ్ సౌకర్యాన్ని అందుబాటులోకి తీసుకొచ్చింది. ఈ సేవింగ్స్ అకౌంట్ కేవలం వేతనజీవులకు మాత్రమే అందుబాటులో ఉంటుంది. ఈ సాలరీ ప్యాకేజ్ అకౌంట్ అనేది జీరో బ్యాలెన్స్ అకౌంట్. కేంద్ర ప్రభుత్వ ఉద్యోగులు, రాష్ట్ర ప్రభుత్వ ఉద్యోగులు, రక్షణ దళాలు, పారామిలిటరీ దళాలు, పోలీసులు, కార్పొరేట్స్/ఇన్‌స్టిట్యూషన్లు వంటి వివిధ విభాగాలకు చెందిన ఉద్యోగులు ఈ అంకౌట్ తీసుకోవచ్చు. ఎస్‌బీఐ కార్పొరేట్ సాలరీ ప్యాకేజ్ కింద అకౌంట్ తీసుకుంటే వివిధ రకాల ప్రయోజనాలు పొందొచ్చు. ఈ సాలరీ అకౌంట్‌ను కస్టమైజ్ కూడా చేసుకోవచ్చు. ఇది అర్గనైజేషన్, బ్యాంక్ మధ్య ఉన్న సంబంధాలపై ఆధారపడి ఉంటుంది. ఎస్‌బీఐ కార్పొరేట్ సాలరీ ప్యాకేజ్ కింద అకౌంట్ తీసుకుంటే వివిధ రకాల ప్రయోజనాలు పొందొచ్చు. ఈ సాలరీ అకౌంట్‌ను కస్టమైజ్ కూడా చేసుకోవచ్చు. ఇది అర్గనైజేషన్, బ్యాంక్ మధ్య ఉన్న సంబంధాలపై ఆధారపడి ఉంటుంది. వీటి ప్రత్యేకతలు....ఎస్‌బీఐ కార్పొరేట్ సాలరీ ప్యాకేజ్ కింద కంపెనీలు వేతన చెల్లింపులకు ఎలాంటి చార్జీలు చెల్లించాల్సిన అవసరం లేదు....ఎలాంటి చార్జీలు లేకుండా ఏ బ్యాంకుకు చెందిన ఏటీఎంలోనైనా ఎన్ని సార్లైనా డబ్బులు విత్‌డ్రా చేసుకోవచ్చు.....ఖాతాదారుడు మరణిస్తే కాంప్లిమెంటరీ పర్సనల్ యాక్సిడెంట్ ఇన్సూరెన్స్ లభిస్తుంది. రూ.20 లక్షల వరకు కవరేజ్ ఉంటుంది. అదే విమాన ప్రమాదంలో చనిపోతే రూ.30 లక్షల వరకు బీమా లభిస్తుంది....అలాగే ఉచిత ఆన్‌లైన్ సేవలు పొందొచ్చు. నెఫ్ట్, ఆర్‌టీజీఎస్ సర్వీసులు సహా మల్టీసిటీ చెక్, డ్రాఫ్ట్ ఇష్యూ వంటి సేవలు ఉచితం. ఇక దీనికి అర్హత....ఎస్‌బీఐ సాలరీ అకౌంట్‌లో వివిధ రకాలు ఉంటాయి. వేతనం ప్రాతిపదికన అకౌంట్ మారుతుంది.
ప్లాటినం అకౌంట్: నెలకు స్థూల వేతనం రూ.1,00,000కు పైగా ఉండాలి.
డైమండ్ అకౌంట్: నెలకు స్థూల వేతనం రూ.50,000కుపైగా రూ.లక్ష వరకు ఉండాలి.
గోల్డ్ అకౌంట్: నెలకు స్థూల వేతనం రూ.20,000 నుంచి రూ.50,000 వరకు ఉండాలి.
సిల్వర్ అకౌంట్: నెలకు స్థూల వేతనం రూ.5,000 నుంచి రూ.20,000 వరకు ఉండాలి.
