ఐసీఐసీఐ ఇన్‌స్టా కార్, టూవీలర్ లోన్లు

న్యూఢిల్లీ: ప్రైవేట్ రంగ దిగ్గజం ఐసీఐసీఐ బ్యాంక్ కొత్తగా రెండు రకాల లోన్లను ప్రవేశపెట్టింది. ఇన్‌స్టా కార్, ఇన్‌స్టా టూవీలర్ అనే రెండు లోన్లను ప్రస్తుత కస్టమర్లు ఈ రుణాలను వెంటనే పొందొచ్చని ఐసీఐసీఐ బ్యాంక్ తెలిపింది. ఇన్‌స్టా కార్ లోన్లకు దాదాపు 20 లక్షల మందికిపైగా అర్హత కలిగి ఉన్నారని తెలిపింది. వీరికి ఏడేళ్ల కాలపరిమితితో రూ.20 లక్షల వరకు రుణ సదుపాయం అందుబాటులో ఉందని తెలిపింది. ఇన్‌స్టా టూవీలర్ లోన్ విషయానికి వస్తే ఈ రుణాలకు 12 లక్షల మంది అర్హత కలిగి ఉన్నారని ఐసీఐసీఐ బ్యాంక్ తెలిపింది. మూడేళ్ల కాలపరిమితిలో రూ.2 లక్షల వరకు రుణం పొందొచ్చని పేర్కొంది. రెండు ప్లాన్లలోనూ వెహికల్ ఆన్‌రోడ్ ప్రైస్‌లో 100 శాతాన్ని రుణాన్ని లోన్ రూపంలో పొందొచ్చని బ్యాంక్ తెలిపింది. బ్యాంక్ కస్టమర్లు లోన్ అప్రూవల్‌ను ఇంటర్నెట్ బ్యాంకింగ్ ద్వారా పొందొచ్చని, బ్యాంక్ బ్రాంచ్‌కు రావాల్సిన అవసరం లేదని ఐసీఐసీఐ బ్యాంక్ హెడ్ (సెక్యూర్డ్ అసెట్స్) రవి నారాయణన్ తెలిపారు. లోన్ అప్రూవల్ వాలిడిటీ 15 రోజులు ఉంటుందని పేర్కొన్నారు. ఈలోపు కస్టమర్లు నచ్చిన డీలర్ వద్దకు వెళ్లి వాహనాన్ని ఎంచుకొని, ఫైనల్ డాక్యుమెంట్ అందిస్తే.. కొన్ని గంటల్లో రుణ మంజూరు అవుతుందని తెలిపారు. ఇకపోతే ఐసీఐసీఐ బ్యాంక్ టెక్నాలజీ వినియోగంతో కస్టమర్లకు త్వరితగతి సేవలు అందిస్తోంది. ఇన్‌స్టంట్ క్రెడిట్ కార్డు, ఇన్‌స్టా పర్సనల్ లోన్, ఇన్‌స్టంట్ డిజిటల్ క్రెడిట్ కార్డు, ఇన్‌స్టా ఓవర్‌డ్రాఫ్ట్ ఫెసిలిటీ ఫర్ ఎంఎస్ఎంఈ, ఇన్‌స్టా ఓపెనింగ్ పీపీఎఫ్ అకౌంట్ వంటి వివిధ రకాల సేవలు అందిస్తున్న విషయం తెలిసిందే.