ప్రపంచ వ్యాప్తంగా కోట్లాది మంది అభిమానులను సంపాదించుకున్న అవెంజేర్స్ టీం మళ్ళీ తమ సత్తా చూపేందుకు ఈ నెల 26న సిద్దం అయ్యారు. ఆంటోని రుస్సో, జో రుస్సోలు దర్శకత్వంలో తెరకెక్కుతోన్న అవెంజర్స్: ఎండ్ గేమ్.. ప్రపంచ వ్యాప్తంగా ఈ నెల 26న ఇంగ్లీష్, హిందీ, తెలుగు, తమిళ సహా పలు భాషాల్లో విడుదల కాబోతోంది. ఈ నేపథ్యంలో సోమవారం హైదరాబాద్ లో చిత్ర తెలుగు ట్రైలర్, అవెంజర్స్ ఎండ్ గేమ్ కు ఏఆర్ రెహమాన్ కంపోజ్ చేసిన తెలుగు పాటను, తెలుగు ట్రైలర్ ను విడుదల చేశారు. ఈ కార్యక్రమంలో రానా దగ్గుబాటి, ఏఆర్ రెహమాన్ పాల్గొన్నారు.