రాహుల్ గాంధీ పై విరుచుక పడ్డ శివసేన అధినేత ఉద్దవ్‌ ఠాక్రే

శివసేన అధినేత ఉద్దవ్‌ ఠాక్రే ప్రతి పక్ష పార్టీ ఐన కాంగ్రెస్‌ పార్టీపై విరుచుకుపడ్డారు. ఎన్నికలు సమీపిస్తున్న వేళా, దేశద్రోహులకు మద్దతునిస్తున్న రాహుల్‌ గాంధీని అధికారంలోకి రానిచ్చేది లేదని వ్యాఖ్యానించారు. ఏ నేపథ్యంలో మహారాష్ట్రలో ఆదివారం జరిగిన ఓ ప్రచార కార్యక్రమంలో మాట్లాడుతూ ఆయన ఈ వ్యాఖ్యలు చేశారు. ఒకప్పుడు తీవ్ర విభేదాలున్న పార్టీలు సైతం అధికార దాహంతో ఏకమయ్యాయని ఆరోపించారు. ఎన్డీయే కూటమి తరపున నరేంద్ర మోదీని ప్రధాని అభ్యర్థిగా ప్రకటించామని అన్నారు. మరి ప్రతిపక్షాల ప్రధాని అభ్యర్థి ఎవరో చెప్పాలంటూ సవాల్ విసిరారు.