మార్చ్ 26: రాయల్ ఎన్ఫీల్డ్ కంపెనీ త్వరలో రాయల్ ఎన్ఫీల్డ్ క్లాసిక్ బైక్ను తీసుకువచ్చేందుకు సన్నాహాలు చేస్తోంది. రాయల్ ఎన్ఫీల్డ్ క్లాసిక్ బైక్ బీఎస్ 6 ప్రమాణాలకు అనుగుణంగా ఉండనుంది. వచ్చే ఏడాది ఏప్రిల్ 1 నుంచి బీఎస్ 6 నిబంధనలు అమలులోకి వస్తున్న సందర్భంలో అన్ని వాహన కంపెనీలు ఈ ప్రమాణాలకు అనువుగా ఉన్న వెహికల్స్నే మార్కెట్లోకి తీసుకురావాల్సి ఉంది. 2020 రాయల్ ఎన్ఫీల్డ్ క్లాసిక్ బైక్లో సరికొత్త సస్పెన్షన్, రియర్ డిస్క్ వంటి ప్రత్యేకతలు ఉన్నాయి. అలాగే ఈ బైక్లో రిడిజైన్ లైట్స్ కూడా కనిపిస్తున్నాయి. ఎక్స్హాస్ట్ డిజైన్ కూడా మారింది. లీకైన బైక్ ఫోటోలు చూస్తే ఈ విషయాలు తెలుస్తున్నాయి. జావా మోటార్సైకిళ్లకు పోటీగా కంపెనీ 2020 రాయల్ ఎన్ఫీల్డ్ క్లాసిక్ బైక్స్ను తీసుకువస్తోంది. ఇకపోతే 2019 రాయల్ ఎన్ఫీల్డ్ క్లాసిక్ ధర రూ.1.53 లక్షలుగా ఉంది. 346 సీసీ డ్యూయెల్ చానల్ ఏబీఎస్ వెర్షన్కు ఇది వర్తిస్తుంది. ఇక 499 సీసీ వేరియంట్ ధర రూ.2.01 లక్షలుగా ఉంది.