విరాట్ కోహ్లీ @ నెం.1

SMTV Desk 2019-03-05 12:45:36  virat kohli, willamson

న్యూ ఢిల్లీ, మార్చ్ 05: టీం ఇండియా కెప్టెన్ విరాట్ కోహ్లీ నెం.1 ర్యాంక్‌కి న్యూజిలాండ్ కెప్టెన్ కేన్ విలియమ్సన్ ఎసరు పెట్టేలా కనిపిస్తున్నాడు. గత ఏడాది దక్షిణాఫ్రికా, ఇంగ్లాండ్, ఆస్ట్రేలియా పర్యటనల్లో పరుగుల వరద పారించిన విరాట్ కోహ్లీ ఐసీసీ టెస్టు ర్యాంకింగ్స్‌ల్లో అగ్రస్థానంలో కొనసాగుతుండగా.. తాజాగా విలియమ్సన్ అతనికి దగ్గరగా వచ్చేశాడు.

తాజాగా ఐసీసీ నిన్న విడుదల చేసిన ర్యాంకింగ్స్‌లో 922 పాయింట్లతో కోహ్లీ నెం.1 స్థానాన్ని నిలబెట్టుకోగా.. 915 పాయింట్లతో విలియమ్సన్‌ రెండో స్థానంలో నిలిచాడు. అంటే.. ఇద్దరి మధ్య పాయింట్ల వ్యత్యాసం కేవలం 7 పాయింట్లే. ఇక మూడో స్థానంలో చతేశ్వర్ పుజారా (881), ఆ తర్వాత స్టీవ్‌స్మిత్ (857), జో రూట్ (763) టాప్-5లో కొనసాగుతున్నారు.

భారత్ జట్టు మే నెలలో ఆరంభంకానున్న ప్రపంచకప్‌ ముగిసే వరకూ టెస్టు మ్యాచ్‌లు ఆడే అవకాశం లేకపోగా.. న్యూజిలాండ్ జట్టు ఈ నెలలోనే శ్రీలంకతో రెండు టెస్టులను ఆడనుంది. ఈ నేపథ్యంలో.. కోహ్లీ నెం.1 ర్యాంక్‌ చేజారే ప్రమాదం కనిపిస్తోంది.