రష్మికకి మరిన్ని అవకాశాలు రావడం ఖాయం

హైదరాబాద్, మార్చి2: తెలుగులో ఛలో .. గీత గోవిందం సినిమాలతో యూత్ హృదయాలను దోచేసిన రష్మిక, కన్నడలోను వరుస సినిమాలు చేస్తోంది. ఆమె తాజా చిత్రంగా రూపొందిన యజమాన .. నిన్ననే ప్రేక్షకుల ముందుకు వచ్చింది. తొలి రోజునే ఈ సినిమా పాజిటివ్ టాక్ తెచ్చుకుంది. విడుదలైన అన్ని ప్రాంతాల నుంచి ఈ సినిమాకి హిట్ టాక్ వస్తోంది.

దాంతో రష్మిక ఫుల్ ఖుషీ అవుతోందట. దర్శన్ జోడీగా తాను చేసిన ఈ సినిమా విడుదల కావడం, భారీ విజయాన్ని కూడా సొంతం చేసుకోవడం పట్ల రష్మిక సంతోషాన్ని వ్యక్తం చేస్తోందట.

ఈ సినిమా హిట్ టాక్ తెచ్చుకోవడంతో, కన్నడలో రష్మికకి మరిన్ని అవకాశాలు రావడం ఖాయమనే టాక్ వినిపిస్తోంది. ఇక త్వరలో తమిళంలోను ఆమె ఒక సినిమాను అంగీకరించే అవకాశాలు వున్నాయనే వార్తలు షికారు చేస్తున్నాయి. అక్కడ కూడా సక్సెస్ అయితే అమ్మడు అదృష్టవంతురాలి కిందే లెక్క