యఫ్ 2 నుండి 'ఎంతో ఫన్'

హైదరాబాద్ , డిసెంబర్ 26 :విక్టరీ వెంకటేష్, మెగా హీరో వరుణ్ తేజ్ హీరోలుగా అనిల్ రావిపూడి దర్శకత్వంలో తెరకెక్కుతున్న చిత్రం యఫ్ 2 . దేవి శ్రీ ప్రసాద్ సంగీతం సమకూర్చుతున్నాడు . ఫన్ అండ్ ఫ్రస్ట్రేషన్ అనే టాగ్ లైన్ తో వస్తున్న ఈ చిత్రం నుండి ఇప్పటికే వొక పాటని విడుదల చేయ్యగా తాజా గా రెండో పాటని కూడా విడుదల చేసారు .


వెంకటేష్,తమన్నా పై తెరకెక్కిన ఈ రొమాంటిక్ సాంగ్ 'స్వర్గమే​ నేలపై వాలినట్టు నింగిలోని తారలే చేతిలోన జారినట్టు గుండెలోన పూలవాన కురిసినట్టుగా ఎంతో ఫన్' అంటూ మొదలవుతుంది . శ్రీమణి రాసిన ఈ పాటలో మొదటి నుండి చివరి వరకు వచ్చే సన్నాయి వాయిద్యం తో వచ్చే ట్యూన్ కొత్తగా ఆకట్టుకునేలాగా ఉంది. కానీ పాట మాములు గా నే సాగుతూ ఇదివరకటి దేవి శ్రీ ప్రసాద్ పాటలని గుర్తు చేసే లాగా ఉంది.

ఈ చిత్రాన్ని సంక్రాంతి కానుకగా జనవరి 12న విడుదల చెయ్యనున్నారు .